Башкармалык Бишкек шаарында спорт, туризм жана жаштар иштери чөйрөсүндө саясатты жана жетекчиликти ишке ашыруучу Бишкек шаарынын мэриясынын бөлүмчөсү болуп саналат. 1. Бөлүмдүн негизги милдеттери болуп төмөнкүлөр саналат: - мамлекеттик программаларды ишке ашыруу, ошондой эле Бишкек шаарында дене тарбия жана спорт, туризм жана жаштар иштери чөйрөсүндө шаардык программаларды иштеп чыгуу жана ишке ашыруу; - Бишкек шаарында дене тарбияны жана спортту, туризмди өнүктүрүү жана жаштар менен иштөө үчүн шарттарды түзүү жана жакшыртуу; - дене тарбия жана спорт, туризм жана жаштар менен иштөө чөйрөсүндөгү иш-чараларды каржылоо үчүн Кыргыз Республикасынын мыйзамдарында тыюу салынбаган бюджеттен тышкаркы каражаттарды тартуу боюнча иштерди уюштуруу; - дене тарбия жана спорт тармагында кадрларды даярдоого жана квалификациясын жогорулатууга көмөк көрсөтүү; - калктын дене тарбиясына уюштуруу-методикалык жетекчиликти ишке ашыруу; - Бишкек шаарынын калкына спорт жана туризм, жаштар менен иштөө чөйрөсүндө сапаттуу кызматтарды көрсөтүүнү камсыз кылуу.